2012年1月19日 星期四

King Arms 宣佈推出 Blaser R93 LRS1 Ultra Grade 手拉狙擊槍


在 2011 年下半年本港出現咗一個狙擊槍嘅熱潮,多間槍店嘅日本 & 大陸製狙擊槍都被槍友們搶購一空,唔知道會唔會係因為有比賽舉行嘅緣故而帶起咗呢一個熱潮呢? 而小記亦收到小道消息,得知有多家氣槍生產商準備在今年內推出各款不同型號的狙擊槍,對各位狙擊槍迷嚟講,絕對係一大好消息!

於今年初時間本港知名氣槍品牌 KING ARMS 在 PTS Steel Shop 舉行咗一個簡單而隆重嘅產品發佈會,宣佈正式推出 Blaser R93 LRS1 Ultra Grade。 呢支狙擊槍唔單止係 KING ARMS 2012 年嘅頭炮新產品,更可以講係萬眾期待嘅出品。 依支槍在好多電影裡面都出現過,早已攪到一眾 War Game 粉絲口水長流,亦經常有槍友在各大討論區發問有冇廠家曾經出過,最終現在由 KING ARMS 首先推出。

KING ARMS 推出嘅 BLASER R93 LRS1 外型跟真槍有 95% 相似度,因為攞正版權,所以可以用番真槍個型號。 產品為手動版本,根據 KING ARMS 官方資料提供,全槍總長1150 mm,重3.06 kg (未上彈匣),內槍管長 495 mm,彈匣裝彈數目為 50 發 6MM BB 彈。

King Arms Blaser R93 LRS1 Ultra Grade 外型特寫
全支槍跟真槍外型十分相似,只係外槍管為直出無花,而網上資料所見真槍嘅外槍管為開坑設計,不同之處在於外槍管嘅設計上,雖然係冇開坑但未有影響整體外觀,依然係非常有現代感。

Blaser R93 LRS1 Ultra Grade 個平衡性做得都幾好,拿上手唔會有前重後輕或前輕後重嘅感覺,而且加咗鏡同腳架後重量亦吾會太過重,呢樣係小記自己覺得幾滿意嘅一環,因為現時嘅狙擊槍一係就太輕冇乜感覺,一係就太重,拿去打 GAME 真係有 D 攞苦嚟辛嘅感覺。

好!  再嚟研究吓支槍嘅外觀,火帽係用塑膠製造嘅,用一粒絲帽去做固定,脫下火帽後可以見到內管長至外管前端,官方資料所講有 495mm 長 (感覺應該唔止咁短),如果冇記錯內管好似話係採用 6.03mm 管,而外管前端已備有上 SILENCER 用嘅螺絲啞。



槍身方面所用嘅膠料尚算唔錯,MARKING 亦盡量跟足真槍,亦已經配備鏡橋。


至於安裝腳架方面,於槍身前底部有一條類似馬記 PSG-1 的腳架槽,而上腳架所需要用嘅 PARTS 亦隨槍附有,只需按說明書嘅步驟所指示,將 PARTS 安裝在腳架槽位置就可以加上腳架。

而尾托各部份亦可以用六角匙作上、下、左、右、前、後等調教,亦已經配備有地下腳頂。


至於火力方面,官方資料數據提供約為 1.4J (用 0.2g BB彈測試),一般來講已經夠用。

個 BOLT 拉後再推前便已經做好上膛準備,隨時可以發射,唔需要再去將 HANDLING 拉下,而扣雞行程亦唔算長,亦唔會覺得太重,小記在產品發佈會當日親身做咗個簡單測試,覺得可以接受,但當然唔可以同 ZERO TRIGGER 去比較啦。


King Arms 市場部總監 Mr. Mark Ng 親自出馬,為現場來賓作新產品介紹。

整體來講對 Blaser R93 LRS1 Ultra Grade 感覺良好,各部份亦做得恰到好處,原裝槍有 1.4J、6.03mm 長管、可調教式尾托等等,已足夠應付日常打 GAME 同埋比賽嘅需要,當然亦需要 SHOOTER 本身嘅技巧 & 訓練啦!

作為 King Arms Blaser R93 LRS1 Ultra Grade 嘅香港及亞洲地區獨家代理商, PTS BY MAGPUL 可以講係信心十足,據透露已經有多間槍店同佢地落咗訂單,由此可見呢支槍有一定嘅支持度。 發售價方面亦相當合理 (槍迷可以放心因為唔算好貴,但當然唔會係幾百蚊就買到啦),各位對呢一支狙擊槍有興趣嘅槍迷朋友,記得要留意各大槍店嘅專櫃啦!

查詢︰



轉貼︰
人氣鎗 Top Fire

0 意見:

張貼留言